السلام عليكم و رحمة الله تعالى وبركاته
موقع ام لمى يقدم لكم تشكيلة من حلويات دواز أتاي بعجين واحد والطريقة بالخطوات المصورة
مقادير حلويات دواز أتاي
زلافة متوسطة سكر
زلافة لبيض تقريبا 6 بيضات
زلافة زيت
دقيق حسب الخليط
فانيلا
2 خميرة حلوة
لتزيين حلويات دواز أتاي
فواكه معسلة
شكلاط
مربى مشماش
كوك
طريقة تحضير حلويات دواز أتاي بالصور
نخلطو البيض و سكرو فانيلا و نضيفو عليهم زيت و دقيق شوية بالشوية ثم خميرة حلوة
خليط ما خصوش يكون قاصح باش يخرج من البوق
نخرجو الشكل الأول بالبوق نزوقوه نص بالفواكه المعسلة ونص الاخر نخليوه هكاك
أما شكل الثالث نعملوه على شكل
أصابع
والشكل الرابع نعملوه على شكل
كرات
ثم نطيبوهم في الفرن على حرارة 200 مدة 10 إلى 12 دقيقة
شكل الأول نخليوه كيفما هو
الثاني والثالث نزينوهم بالشكلاط
أما الشكل الرابع نغطسوه في المربى المشمش دافي ونفدوه في الكوك
ثم نقدمو التشكيلة من حلويات دواز أتاي
بالصحة والراحة
إرسال تعليق