السلام عليكم و رحمة الله تعالى وبركاته
موقع ام لمى يقدم لكم طريقة تحضير أطباق دجاج بطريقة جميلة
بالمراحل المصور
مقادير
فخيضات الدجاج على حسب الاشخاص
معلقة صغيرة من كل التوابل
ملح
زعتر
سكسنجبير
خرقوم بلدي
ابزار
2 دريسات التومة
2 معالق كبار خل
2 معالق كبار موطارد
1 معلقة كبيرة قزبر مدقوق( يمكن ليكم تعوضوا موطارد بدانون مسوس )
2 معالق كبار صلصة الصوجا هدا الخلطة غنستعملها للاطباق بزوج
طريقة تحضيردجاج
نخلط جميع العناصر ونرقدهم فالفخيدات مدة ساعة اواكتر
من بعد نعملهم يتبخروا فالكسكاس مدة 20 دقيقة
ندوزو دبا للطريقة التانية
ناخد هبرة بيبي او هبرة الدجاج على حسب الموجود عندك في الدار نفرش ميكة غدائية ونحط اطراف الدجاج ونغطي بالميكة وناخد المدلك ونبق نضرب فيهم حت ترقاق عندنا الهبرة وتولي كلوريقة
ناخد خيزو نقطعوا مربعات صغار مصلوقين في ماء مملحبطاطة مصلوقة في ماء مملح ونعركوها وهي سخونة شوية كاشيرالسوريمي محكوك شوية فروماج احمر محكوك شوية الربيع مكرد وطبعا لهبرة لتنكونوا رقدناها فنفس الترقيدة لي عطيتكم فالاول
تناخد الميكة الغدائية ونسرحها ونحط فيلي تاع الدجاج ونبدا نعمر ندير شوية بطاطة خيزو كاشير فرماج احمر وفي الاخير الربيع ونلويه بحال شكل الفقاص
نجمعوا مزيان من الجنب ونعملوا فالكسكاس يتبخر مدة 20 دقيقة
هنا الشهيوات طابوا مزيان
تناخد الصلصلة لي شاطت لي من الاول او الا مشاطتش تنكتفي غي بشوية موطارد وصلصلة الصوجا نخلطهم مزيان وندهن بيهم الدجاج وندوزهم فالكورن فليكس بعدما نكون هرمشتوا شوية بالمدلك الصور تتوضح ليكم المراحل الا مكانش عندكم الكورن فليكس يمكن ليكم تعوضوه بلاشابلير او الخرطال او الزنجلان حت هما تيعطيوه مداق زوين وتيجي مكرمل
وندخلهم للفرن يتحمروا
وهاهما ملي وجدوا نتمنى تجربوهم ويعجبوكم
و بالصحة و الراحة
إرسال تعليق