السلام عليكم و رحمة الله تعالى وبركاته
موقع ام لمى يقدم لكم طريقة عمل كيك بكريمة الحامض رائعة بالمراحل المصورة
مقادير جينواز
4 بيض
100g سكر
لفاني
100g دقيق
1/2 م ص خمارة الحلوى
مقاديركريمة الحامض
100 سكر
عصير 2 حامضات
2 بيض
50g زبدة
قشور الحامض
للتزيين
كريم شانتيي
فرميسيل الشكلاط
كاكاو
فواكه معلبة
طريقة عمل كيك بكريمة الحامض رائعة بالمراحل المصورة
كنلبسو المول ديالنا كله بورق الطبخ
كنخفقو البيض مع السكر حتى يبياض لونه ويتقال تقريبا 10د حتى 15د
كنضيفو الدقيق،خمارة الحلوى والكل مغربل ونحركو بسباتول وغير بشوي
كنصبو الخليط ديالنا في المول وحنا كنعليو يدينا باش ندخلو كمية كبيرة من الهواء وندقو المول واحد 2 مرات
وندخلوه للفرن مسخن من قبل على درجة 180د مدة تقريبا 1/2 ساعة(وكل وحدة وفرانها هههه)
منين طيب نطيف الفران ونخليوها فيه مدة 5د ونخليو الباب مفتوح شوي
وهاهي واجدة
ندوزو لتحضير الكريما:كنوضعو المقادير كلها في كسرونة
ونوضعوها فوق العافية حتى تتقال وحنا كنحركو
من بعد نصفيوها ونغطيوها ببلاستيك ونخليوها حتى تبرد
كنقسمو الكيك ديالنا على 3 حصص ,انا استعملت هدا السكين الخاص بالتقطيع
كنوضعو الطبقة الاولى ونسقيوها بالسيرو ونوضعو طبقة من الكريم شانتيي+الفواكه
ثم الطبقة الثانية بنفس الطريقة
من بعد كنغطيو الحلوى ديالنا بالكريم شانتيي وفي الجناب نوضعو فيرمسيل الشكلاط
كندخلوها الثلاجة مدة 1 ساعة على الاقل
كنخرجو الحلوى ديالنا ،كنزولو واحد 2 م ك من الكريما ونضيفولها الكاكاو وكنوضعوها في جيب الحلواني
والباقي كنوضعوه من فوق الحلوى
كنزينو بالكريمة البنية على شكل دوائر ونديرولها بحال تزيين الميل فويوهاهي واجدة نتمنى تعجبكوم وتجربوها
بالصحة والرحة
إرسال تعليق