السلام عليكم و رحمة الله تعالى وبركاته
موقع ام لمى يقدم لكم طريقة تحضيرفقاص ساهل وبنين بكاوكاو والمشماش
مقاديرفقاص ساهل وبنين بكاوكاو والمشماش
3بيضات
3بيضات
كاس سنيدة
كاس زيت(ممكن نخلطو الزيت وزبدة ذائبة)
نص كاس ماء زهر
2معالق خل
معلقة نافع(ممكن حبة الحلاوة وزنجلان انا هيا لي كانت متوفرة)
نص كاس كاوكاو محمر ومقسوم (ممكن لوز)
نص كاس مشماش يابس مقطع(ممكن زبيب ولا فروي كونفي)
خمارة
فاني
دقيق حسب الخليط
رشة ملح
طريقة تحضيرفقاص ساهل وبنين بكاوكاو والمشماش
نخلطو البيض مع السكر والفاني مزيااان حتا يذوب السكر عاد نضيفو الزيت وماء
الزهر والخل
عاد نزيدو حبة حلاوة وكاوكاو ومشماش ونجمعو الخليط بالدقيق ورشيشة ملح
وخمارة الحلوة
نقسمو العجينة علا 4 كويرات
نحربلو كويرات ونحطوهم فطاوة انا درتهم صغار ممكن لي تيبغي الفقاص كبير يدير
غير 3 حرابل
ونحطوهم فالطاوة ونباعدو شوية بيناتهم ونبسطوهم بايدينا شوية
عاد ندهنوهم بصفار بيضة مع رشيشة نيسكافي وشوية الخل
وهنا السر فالطياااب دائما كنت نتبع كاع الخطوات وفالاخير تيتشق ليا وهنا عاد
عرفت السبب ههه
خاص نديرو الفقاص ففران بااااارد حتا ندخلوه عاد نشعلو الفوق والتحت والحرارة
تكون ناقصة انا درتو ف 140 درجة حيت فراني تيسخن بزاااف المهم علا حسب
كل فراان باش ميتفكعش وحتا نحطو طاوة عاد نشعلو الفراان
ونا منين خرجتو من الفران كنت موجدة زيف مفزك ومعسر مزيااان حطيت فيه
ونا منين خرجتو من الفران كنت موجدة زيف مفزك ومعسر مزيااان حطيت فيه
حريبلات تاع الفقاص وغطيت عليهم عاد غطيتهم بميكة وخليتهم حتا بردو علا
خااااطرهم وبديت تنقطع فيهم وهنا ثاني سر اخر خاص الموس يكون ماضيي باش
تنزلي نزلة وحدة ههه
ونستفو فقاص فطاوة وندخلوه للفران يكون ثاني علا درجة متوسطة باش يتحمر
ويتكرمل علا خاطرووو
وهاهوا فقاصنا خرج من الفران محمر ومكرمل وبنيين بريحة ماء الزهر ممم
وبالصحة والراحة
إرسال تعليق